மூன்றாம் வகுப்பு வரை மட்டுமே முறையாக பள்ளிக்கு சென்று படித்திருந்ததாலும்  நூற்றாண்டுக்கு முன்பே கல்வியின் மகத்துவம் உணர்ந்து சுயமுயற்சியால்  ஆங்கிலம்  படிக்க கற்று தேர்ந்துகொண்டார். பின்னர் அவசரகால முதலுதவி பயிற்சி, நவீன மருத்துவப்படிப்புகள் வரும் முன்பே அந்த காலத்தில் சித்தமருத்துவம், யுனானி மருத்துவம், ஹோமியோபதி மருத்துவம் ஆகிய துறைகளில் கற்று தேர்ந்து அத்துறைகளில் பணியாற்ற அரசு தேர்வு எழுதி வெற்றிபெற்றவர்.  இரண்டாம் உலக போரில் பணியாற்றியவர். ஒரு குழந்தை தொழிலாளியாக வறுமையின் காரணமாக இளம் பாலகனாக நெசவுத்தொழிலுக்குள் தள்ளப்பட்டாலும் சுயமுயற்சியால் முன்னேறி  பிற்காலத்தில் ஆயிரக்கணக்கான தறிகளுக்கு சொந்தகாரராகி அதன் மூலம் எளிய மக்களுக்கு வேலைவாய்ப்புகள், பொருளாதார தன்னிறைவை வழங்கியவர். ஒரே நிகழ்வில் அத்தனை சொகுசுகளையும் இழந்து மனிதவாழ்க்கையின் மேம்பாட்டிற்கு வழிகாட்டவேண்டும் என்ற இறை உந்துதுதலுடன்  “ உலக சமுதாய சேவா சங்கம்” என்ற அமைப்பை  70 ஆண்டுகளுக்கு முன்பு உருவாக்கி அதன் மூலம் மனவளக்கலை என்ற மகத்தான பயிற்சி முறையை உருவாக்கி பாமர மக்களுக்கு போதிக்க தொடங்கினார். இந்தியாவின் பல பகுதிகளுக்கும், மலேயா, சிங்கப்பூர், ஜப்பான், கொரியா, அமெரிக்கா உட்பட உலகின் பல பகுதிகளுக்கு பயணித்து “ அறிவே தெய்வம்”  அதனை எளிமையான தன்னிலை விளக்க பயிற்சியின் மூலம் உணரமுடியும் என்று போதித்தவர்.

Study While Work, Gender Equality, Law of Attraction, Power of Blessing, Power of Gifting, Spiritual Engineering  என்றெல்லாம் பலவகைகளில் இன்று விவாதிக்கப்படும் வாழ்வியல் தத்துவங்களை Corporate Management Skills  களையும் பல ஆண்டுகளுக்கு முன்பே தாயுமானவர், திருமூலர், திருவள்ளுவர், அருட்பிரகாச வள்ளலார் ஆகியோரின் தத்துவங்களில் இருந்து எடுத்து எளிமைப்படுத்தி அதனை எளிய மக்களும் புரிந்துகொள்ளும் வகையில் வழங்கியவர். அவரின் இந்த போதனைகள் ஒருங்கிணைக்கப்பட்டு வேதாத்திரியம் என்று வழங்கப்படுகிறது.